Ǵazıza Jubanova atyndaǵy Aqtóbe oblystyq fılarmonııasynyń Qazaq kameralyq hor ujymy Koreıanyń birneshe qalasynda óner kórsetti.
Qazaqstan ónerine eńbek sińirgen qaıratker Dúısen Qaseıinovtiń avtorlyq jobasy – «Bar baılyǵym – dostarym» festıvali aıasynda oblystyq fılarmonııa ujymy áýeli Pýsan qalasynda «Dostyq» konsertin berdi. Pýsan kórermenderi qazaqtyń ulttyq aspaptary súıemeldeýimen oryndaǵan koreı ánderin jyly qabyldady. Sodan keıin D.Qaseıinovpen birge fılarmonııa ártisteri Chedjý aralynda ótken VII halyqaralyq án festıvaline qatysty. Álem elderiniń 20-dan astam hor ujymy qatysqan «NOVA VIA» án festıvalinde Ǵ.Jubanova atyndaǵy Aqtóbe oblystyq fılarmonııa ónerpazdary qazaqtyń halyq ánderin jáne koreı halqynyń «Arırang» ánin oryndady.
Shetel saparynan shabytpen oralǵan aqtóbelik ártister halyqaralyq gastrolderdi ári qaraı jalǵastyrýdy josparlap otyr. Búginde fılarmonııa ujymyna AQSh, Indonezııa, Fılıppın elderinen konserttik baǵdarlamamen óner kórsetýge shaqyrtý keldi. Fılarmonııanyń kórkemdik jetekshisi Mırbol Quspanovtyń aıtýynsha, hor ujymynyń sheteldik án festıvalderinde jıi óner kórsetýi ánshilerdiń kásibı biliktiligin arttyryp, shyǵarmashylyq izdeniske jol ashady.
Aqtóbe oblysy