Ortalyq saılaý komıssııasynyń basshysy Nurlan Ábdirov QR Parlamenti Májilisi men máslıhattar depýtattarynyń kezekten tys saılaýyn baqylaý úshin 786 baıqaýshy akkredıtasııadan ótkenin jetkizdi, dep habarlaıdy Egemen.kz zakon.kz saıtyna silteme jasap.
«Onyń ishinde 41 shet memleketten 124 baqylaýshy jáne 12 halyqaralyq uıymnan 662 baqylaýshy bar. Halyqaralyq baıqaýshylardyń qatysýy naýqannyń ashyqtyǵy men jarııalyǵyna, memleket tarapynan halyqaralyq mindettemelerdiń saqtalýyna yqpal etetindigin taǵy da atap ótkim keledi. Bul bizdiń halyqaralyq mindettemelerge súıenetindigimizdiń dáleli, sondaı-aq halyqaralyq uıymdarmen jáne shet memlekettermen saılaý salasyndaǵy tyǵyz yntymaqtastyqty jalǵastyrý ekenin de bildiredi. Basqa elderdiń ortalyq saılaý organdaryndaǵy áriptesterimizdiń kelýi biz úshin de óte mańyzdy ekenin atap ótkim keledi», dedi Nurlan Ábdirov
Ol akkredıtasııadan ótken barlyq baqylaýshylarǵa Qazaqstanda júrgizilip jatqan saılaý naýqandaryna turaqty qyzyǵýshylyq tanytqandary úshin alǵys bildirdi.
OSK tóraǵasy parlamenttik saılaýdy baqylaýǵa 16 memlekettiń Ortalyq saılaý organdarynyń ókilderi, onyń ishinde Ázerbaıjan, Moldova, Mońǵolııa, О́zbekstan jáne Tájikstannyń saılaý komıssııalarynyń bes tóraǵasy keletinin aıtty.
«Biz aradaǵy tyǵyz yntymaqtastyq pen ózara baılanysymyzdy joǵary baǵalaımyz», dedi Nurlan Ábdirov.Qazaqstan Respýblıkasy Parlamenti Májilisi men máslıhattary depýtattarynyń kezekten tys saılaýy 2023 jyly 19 naýryzda ótedi.