Astananyń alǵashqy máslıhaty

Qujattardyń ishinde bire­geıi – Aqmola qalalyq dýma­synyń 1874 jylǵy 25 mamyr­daǵy Jar­lyǵy. Bul materıalda qa­lalyq keńes músheleri jumys isteı bastaǵany kórsetilgen. Al­ǵash depýtattar tórt jyl mer­zimge saı­lanǵan. Alaıda saılaý kvota boıynsha jasyryn daýys berý arqyly ótipti. Onyń ústine qa­lalyq keńes mú­sheleriniń kóp­shi­ligi saýdagerler bolsa kerek. 1891-1916 jyldary ara­lyǵynda Stepan Kýbrın degen azamat Aqmola qa­lalyq dýma­sy­nyń basshysy qyzmetin atqa­ry­pty.

«Jergilikti ókildi organnyń aýysý kezeńi Qazan tóńkerisimen baılanysty. Jańa keńestiń qu­rylýyna baılanysty qalalyq Dýma taratylady. 1920 jyly 26 maýsymda jumysshy, sharýa jáne qyzyl ásker depýtat­tary komıtetiniń I sezinde Aqmola qalalyq atqarý ko­mı­teti óz qyz­­metin bastady», deı­di ǵy­lymı-zertteý jáne aqpa­rat­tyq-tú­sin­dirý qyzmetiniń bas­shysy Jan­geldi Bımoldın.

1923 jyldyń basynda Aq­mola qalalyq keńesi, artynsha onyń bólimderi qurylady. Osylaısha, elimiz egemendik alǵanǵa deıin eńbek etip, qalanyń damýyna zor úles qosqan.

1993 jyly 9 jeltoqsanda «Qazaqstan Respýblıkasy ha­lyq depýtattary jergilikti ke­ńesteriniń ókilettikterin mer­ziminen buryn toqtatý týra­ly» Zań aıasynda Aqmola qala­lyq keńesin taratý týraly sheshim qa­byldandy. Sóıtip, 1994 jyly 1 sáýirde Aqmola qalasy más­lı­hatynyń apparaty qaıta qu­ryldy. Máslıhat sessııalaryn­da qala ınfraqurylymyn da­mytýdyń ekonomıkalyq jáne ále­ýmettik baǵdarlamalary be­kitildi.

Eske sala keteıik, 1993 jyly 10 jeltoqsanda «Qazaqstan Res­pýb­lıkasynyń jergilikti ókildi jáne atqarýshy organdary týraly» Zań qabyldanǵan bolatyn. Odan keıin 1994 jyly alǵash ret respýblıkanyń jańa ókildi organdary – máslıhat depý­tattarynyń saılaýy ótti. Sodan beri jergilikti ózin ózi basqarý organdary memlekettik basqarý júıesinde mańyzdy ról atqara bastady. Mine, búginde olar eli­mizdegi demokratııalyq óz­ge­risterdi júzege asy­rýǵa zor úles qosyp keledi.