Astanada Jalpyulttyq sosıal-demokratııalyq partııasynyń uıymdastyrýymen «LRT – sybaılas jemqorlyq eskertkishi» taqyrybynda mıtıng ótti.
«LRT qurylysy kezinde 6 ákim aýysty. Qurylys-montajdaý jumystarynyń tek 17 paıyzy oryndaldy. Qoǵamdyq talqylaýlar oryn alǵan joq. Bul fakt elge qala azamattary sheshim qabyldaı alatyndaı plebıssıt ınstıtýty qajet ekenin aıǵaqtaıdy», dep atap ótti óz sózinde JSDP-dan Parlament Májilisiniń depýtattyǵyna partııa tizimi boıynsha kandıdat Ashat Raqymjanov.
Kandıdat Nurlan Áýesbaev qurylys salasy jemqorlyq beleń alǵan salalardyń biri ekendigin atap ótti. Onyń pikirinshe, zańsyz ári turǵyndardyń pikiri eskerilmeı, kóppáterli úıler salynatyn jer ýchaskeleri bólinip jatyr. Al kandıdat Maqsut Nasıbulov elimizdiń qurylys salasynda tamyry tereńge ketip jatqan sybaılas jemqorlyqqa qatysty alańdaýshylyq bildirdi. Mıtıng sońynda qarar qabyldanyp, tıisti organdarǵa jiberildi.
JSDP-dan Parlament Májilisiniń depýtattyǵyna partııa tizimi boıynsha kandıdat Berik Jaǵyparov pen Jeńiskúl Dúzbaeva Ulytaý oblysy saılaýshylarymen kezdesti.
Depýtattyqqa kandıdattar saılaýshylardy partııanyń saılaýaldy baǵdarlamasymen tanystyrdy. Nesıe mólsherlemesin tómendetý, kásipkerlerdiń salyǵyn azaıtý jáne zeınetaqy jasyn tómendetý máseleleri kóterildi. Is-shara barysynda kandıdattar turǵyndardyń suraqtaryna jaýap berdi.
JSDP-dan Parlamenti Májilisiniń depýtattyǵyna partııa tizimi boıynsha taǵy bir kandıdat Vıktor Kalgın JSDP-nyń «Úgit-nasıhat poıyzy» aıasynda Shemonaıha qalasyna bardy.
Saılaýshylarmen kezdesý barysynda kandıdat JSDP baǵdarlamasynyń basty urandaryn atap ótti: saıası reformalar baǵytyn kúsheıtý; halyqtyq parlamenttik baqylaý – jemqorlyqtyń basty tosqaýyly; halyqtyń eńsesin kóterip, olıgarhtardy áshkereleý; azamattardyń ál-aýqaty deńgeıin arttyrý; barshaǵa qoljetimdi áleýmettik qoldaý: myqty aýyl – el qaýipsizdiginiń negizi.