Búgingi Úkimet otyrysynda Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Qazaqstannyń telefon kody ózgerýi múmkin ekenin málimdedi, dep habarlaıdy Egemen.kz.
Baǵdat Mýsın AQSh-qa jasaǵan jumys sapary kezinde Halyqaralyq telekommýnıkasııa odaǵynyń Bas hatshysy (ITU) kezdesti.
«Biz Dorın Bogdan-Martınamen bul máseleni egjeı-tegjeıli talqyladyq. +997-ge ótý qıyn emes. Bul nómir bizge rezervke qoıyldy. Biraq men ITU-ǵa +7 ornyna +77 qaldyrýdy usyndym. Alaıda, ITU bir kúnde sheshim qabyldaı almaıdy, tıisti otyrystar men talqylaýlar ótkizilýi kerek, bul da biraz ýaqytty talap etedi. Basqa telefon kodyna aýysý týraly usynys áli de talqylanady. Osylaısha, Qazaqstannyń basqa eldermen birge qoldanylatyn +7 emes, +77 kody bolady dep úmittenemiz», dep túsindirdi Baǵdat Mýsın.