ASTANA. 27 maýsym. Qazir, maýsymnyń 26-synan 27-ne qaraǵan túni álem chempıonatyndaǵy toptyq oıyndardyń tolyq oınalyp bitýimen birge, 1/8 fınaldyq kezeńge joldama alǵandardyń attary belgili boldy. Bul týraly egemen.kz habarlady.
Aldymen ózimiz sońǵy ret habarlaǵan Kamerýn – Brazılııa kezdesýinen keıin oınalǵan matchtardyń nátıjelerin bir eske salyp óteıik: 24 maýsym. Horvatııa – Meksıka 1:3, Italııa – Ýrýgvaı 0:1, Kosta-Rıka – Anglııa 0:0. 25 maýsym. Japonııa – Kolýmbııa 1:4, Grekııa – Kot-d`Ivýar 2:1, Nıgerııa – Argentına 2:3, Bosnııa – Iran 3:1. 26 maýsym. Gondýras – Shveısarııa 0:3, Ekvador – Fransııa 0:0.
Al 26 maýsym kúni túnde alańǵa AQSh – Germanııa, Portýgalııa – Gana fýtbolshylary shyqty. Bul kezdesýlerde nemistar qarsylastaryn 1:0 etip utsa, portýgaldar 2:1 etip túze búktirdi. Osynyń nátıjesinde býndestım birinshi ornyn saqtap qaldy. Ekinshi orynǵa AQSh komandasy ornalasty. Onymen birdeı 4 upaı jınaǵan Portýgalııa quramasy dop aıyrymy jaǵynan úshinshi orynda qalyp qoıdy.
Budan ári 27 maýsym bastalǵan tańnyń aldynda Koreıa – Belgııa, Aljır – Reseı komandalary kúsh synasty. Belgııalyqtar koreılerdi 1:0 etip utsa, kelesi eki qurama arasyndaǵy myqty anyqtalmady – 1:1. Aqyrynda Aljır myqty bolyp tanyldy. Upaı sanyn 4-ke toltyrǵan ol Belgııadan keıingi ekinshi oryndy alyp, kelesi kezeńge joldama aldy.
Endi pleı-off oıyndary 28 maýsym kúni keshke oınalady. Demek, búgin – demalys.
Segizden bir fınalda myna komandalar kezdesedi: 28 maýsym. 20-00 saǵat. Brazılııa – Chılı. 29 maýsym. 00-00 saǵat. Kolýmbııa – Ýrýgvaı. 20-00 saǵat. Gollandııa – Meksıka. 30 maýsym. 00-00 saǵat. Kosta-Rıka – Grekııa. 20-00 saǵat. Fransııa – Nıgerııa. 1 shilde. 00-00 saǵat. Germanııa – Aljır. 20-00 saǵat. Argentına – Shveısarııa. 2 shilde. 00-00 saǵat. Belgııa – AQSh.
Osy shaıqasta jeńgen quramalar 4-7 shilde kúnderi oınalatyn 1/4 fınalǵa joldama alady.
Osylaısha chempıonattyń kelesi kezeńine Eýropanyń – 6, Ońtústik Amerıkanyń – 5, Ortalyq jáne Soltústik Amerıkanyń – 3, Afrıkanyń 2 komandasy shyqty. Al Azııadan birde-bir komanda joq.
Damır Qojamqul.
Derekkóz: egemen.kz.
Foto: sportbox.ru.