IIM Esirtki qylmysyna qarsy is-qımyl departamenti aýqymdy arnaıy operasııa barysynda ınternet-resýrstardyń kómegimen sıntetıkalyq esirtki óndirisin jáne olardy Qazaqstan aýmaǵynda ótkizýdi uıymdastyrǵan transulttyq qylmystyq toptyń qyzmetin joıdy, dep habarlaıdy Egemen.kz Polisia.kz. saıtyna silteme jasap.
О́tken jyldyń aıaǵynda Almaty oblysyndaǵy vedomstvonyń jedel qyzmetkerleri jedel sharalar júrgizdi. Shara barysynda óńir aýmaǵynda úsh jasyryn zerthanada sıntetıkalyq esirtki óndirisin uıymdastyrǵan segiz shetel azamaty anyqtalyp, ustalǵan edi.
Odan ári jedel-izdestirý is-sharalary barysynda polısııa qosymsha osy qylmystyq topty qarjylandyrýǵa, sondaı-aq prekýrsorlardy (esirtki óndirýge arnalǵan hımııalyq zattardy) jáne zerthanalyq jabdyqtardy shetelden Qazaqstanǵa jetkizýge jaýapty eki sheteldikti, ıaǵnı negizgi uıymdastyrýshylardy anyqtaǵan. «Prekýrsorlardy jetkizýdi, saqtaýdy jáne ótkizýdi uıymdastyrǵan uıymdastyrýshylardyń biri Almaty qalasynda ustaldy. Tintý barysynda ol jalǵa alǵan alty qoımadan esirtki daıyndaýǵa arnalǵan segiz «reaktor» dep atalatyn arnaıy zerthanalyq jabdyq jáne 13 tonna prekýrsorlar tárkilendi», delingen habarlamada.Osylaısha, elimizde eki tonna sıntetıkalyq esirtki óndirýge (4 mıllıon doza) jáne segiz iri esirtki zerthanasyn qurýǵa jol berilmedi. Sondaı-aq sıntetıkalyq esirtki óndirýge arnalǵan 30-dan asa basqa jabdyq, onyń ishinde vakýýmdyq súzgiler, termoregýlıatorlar, sorǵylar tárkilengen.