«Bolashaq» baǵdarlamasy aıasynda qujattardy qabyldaýdyń ekinshi legi 3 sáýirde bastalyp, 28 sáýirge deıin jalǵasady, dep habarlaıdy Egemen.kz Elorda.info-ǵa silteme jasap.
Konkýrstyq irikteýge qatysýǵa ótinimder memlekettik qyzmetter portaly – eGov.kz arqyly onlaın túrde qabyldanady. Jyldyń sońyna deıin «Bolashaq» stıpendııasyna ótinimderdi qabyldaýdyń taǵy eki legi ótkiziledi: 5 maýsym men 7 shilde aralyǵynda, sondaı-aq 17 shilde men 15 qyrkúıek aralyǵynda.
Sonymen qatar bıyl stıpendııa úmitkerlerine qoıylatyn talaptar kúsheıtildi. Endi úmitkerler shet tilin meńgergenin rastaýy tıis. Aǵylshyn tilinde akademııalyq oqýǵa túsýshiler nátıjesi keminde 9.0-den 6.0, taǵylymdamadan ótýshiler nátıjesi 9.0-den 5.0 IELTS sertıfıkatyn usynýy kerek.
Jyl basynda jetekshi sheteldik joǵary oqý oryndarynda akademııalyq oqýǵa arnalǵan kvotalyq sanattar tizimi keńeıtildi. Oqýǵa túsýshilerdi qoldaý úshin ınjenerlik-tehnıkalyq kadrlar men medısına mamandary úshin jeńildikter engizildi. Atalǵan ózgertýlerdiń arqasynda qazaqstandyq dárigerler men tehnıkalyq qyzmetkerlerdiń merzimi 12 aıǵa deıingi tegin tildik daıyndyqtan ótip, «Bolashaq» stıpendııasy taǵaıyndalǵannan keıin baǵdarlama aıasynda bilim alýǵa usynylatyn ýnıversıtetter tiziminen oqý ornyn tańdaýǵa múmkindigi bar.
Jalpy alǵanda, bıyl magıstratýra jáne rezıdentýra baǵdarlamalaryna 395 stıpendııa, doktorantýraǵa 50 stıpendııa, taǵylymdamadan ótý úshin 110 stıpendııa bólindi.