Tabıǵat tosyn minezin tanytty. Úlkendigi taýyqtyń jumyrtqasyndaı bolatyn burshaq Bórli aýdanynyń Berezovka aýylyndaǵy 277 úıdiń shatyryn qıratyp ketken. 27 avtokóliktiń terezeleri synyp, shanaqtary maıysqan. Baý-baqsha men egis alqaptary da aman qalǵan joq. Nóser jańbyrdyń sońy burshaqqa ulasyp, 10 mınýt boıy aspannan dıametri 4,5 santımetrge deıin jetetin muz kesekteri jaýǵan.
Aýdanda qurylǵan arnaıy komıssııa keshe tóbesi tesilgen baspanalardyń tizimin anyqtap bitirdi. Tabıǵat apatynan kelgen shyǵynnyń mólsheri qazir eseptelýde. Tótenshe jaǵdaıdyń zardabyn joıý joldaryn sodan keıin belgileımiz, deıdi Bórli aýdandyq ákimdiginiń tótenshe jaǵdaılar jónindegi bas mamany Bolat Týkýpov.
Temir QUSAIYN,
«Egemen Qazaqstan».
Batys Qazaqstan oblysy.