Qasym-Jomart Toqaev Túrki memleketteri uıymynyń kezekten tys sammıtinde halyqaralyq máselege toqtaldy, dep habarlaıdy Egemen.kz.
«Búgingi basqosýdyń «Apat jáne tótenshe jaǵdaılar menedjmenti, gýmanıtarlyq kómek» degen taqyrypta ótýi beker emes. Qazir jer júzinde tabıǵı jáne tehnogendik apattar kóbeıip jatyr. Bul jaǵdaı óte ózekti halyqaralyq máseleniń birine aınaldy. Osyndaı kúrdeli kezeńde Qazaqstan gýmanıtarlyq sharalardan shet qalǵan emes. Elimiz tabıǵı apattan zardap shekken elderge únemi qoldaý kórsetedi», dedi Memleket basshysy.
Sondaı-aq Prezıdent tabıǵı apat kezinde qarjylaı jáne taýar túrinde gýmanıtarlyq kómek berýmen ǵana shektelip qalmaıtynyn jetkizdi.
«Budan bólek, qutqarýshylardy jiberip, apat saldaryn joıýǵa belsene atsalysamyz. Jalpy, túrki elderi tótenshe jaǵdaı kezinde tıimdi áreket ete bilýi kerek. Sondaı-aq Uıym hatshylyǵy jáne múshe memleketter arasyndaǵy baılanystardy nyǵaıta túsý qajet», dedi Qasym-Jomart Kemeluly.