Jańaózen qalasyndaǵy №5 mektep-gımnazııada ornalasqan №75 saılaý ýchaskesine tańerteńnen beri úlkendi-kishili turǵyndar kelip, óz daýystaryn berip jatyr, dep habarlaıdy Egemen.kz.
Saıası naýqannan qalys qalmaı, el bolashaǵy úshin daýys berýge kelgenderdiń biri - NFC chempıony Eraly Abdyrov. Saılaý - Jańa Qazaqstandy qalyptastyrýdaǵy mańyzdy qadamdardyń biri dep sanaıtyn Eraly óz tańdaýyn jasaý úshin 19 naýryzdy asyǵa kútken. Eraly qalamyzdyń mártebesin kóterip, sporttyq qarym-qabileti arqyly qala atyn tanytýǵa zor úles qosyp júrgen sportshy. Onyń búgingi kúnge deıin jetken jetistigi az emes. Máselen, 2015 jyly kýdodan Qazaqstan chempıony, 2016 jyly Azııa chempıony, MMA sportynan Qazaqstan chempıony atanǵan. 2018 jyly Halyqaralyq týrnırde eresekter arasynda 71 keli salmaq dárejesinde NFS (naıza faıter chempıonshıp) belbeýiniń Gran-prı ıegeri ataǵyn jeńip alǵan.
«Saılaý — óz ýchaskeńe baryp, bir paraqqa belgi qoıý emes, eldiń bolashaǵyna alańdap, onyń damýyna úles qosý. Jańa Qazaqstannyń bolashaǵyna daýys berdim. Qazaqstan jastardyń qolynda dep senemin. Daýys berý – ár azamattyń paryzy. Sondyqtan qala turǵyndaryn osy saılaýǵa belsendi qatysyp, durys tańdaý jasaýǵa shaqyramyn», deıdi Eraly Abdyrov.