Máskeý, Sankt-Peterbýrg jáne Qazandaǵy saılaý ýchaskeleri daýys berýshiler úshin esikterin ashty, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Sondaı-aq Kýveıt, Addıs-Abeba, Mınsk pen Brestte saılaý ýchaskeleri ashyldy.
Buǵan deıin, Ankara, Ystanbul jáne Antalııadaǵy saılaý ýchaskeleri Qazaqstan azamattary úshin jumysyn bastaǵanyn habarlaǵan edik. Olardyń qatarynda taǵy Tegeran, Er-Rııad, Djıdda, Amman jáne Doha da bar.
Aıta keteıik, keıbir elderdegi ýaqyt beldeýine baılanysty daýys berý Qazaqstanǵa qaraǵanda kesh bastaldy. Qazaqstannyń sheteldegi mekemeleri janynan 62 shet memlekette 77 saılaý ýchaskesi quryldy.