Almatyda Toyota Camry kóligi kópirden qulap, birneshe adam zardap shekti. Bul týraly Almaty qalalyq densaýlyq saqtaý basqarmasynyń baspasóz qyzmeti málimdedi, dep habarlaıdy Egemen.kz.
Vedomstvo málimetinshe, apat saldarynan alty adam zardap shekken. Olardyń barlyǵy jedel járdem qyzmetimen aýrýhanalarǵa jetkizilgen.
«Tórt zardap shegýshi bas súıek-mı jaraqattarymen, ártúrli dárejedegi synyqtarmen jáne kógerýlermen Almaty qalalyq jedel shuǵyl kómek kórsetý aýrýhanasyna jetkizildi. Kórsetilgen kómekten keıin olardyń bireýi turǵylyqty jeri boıynsha emhanaǵa ári qaraı ambýlatorlyq emdelýge jiberildi, úsheýi aýrýhanada, bireýi jansaqtaý bóliminde jatyr. Qazirgi ýaqytta olardyń jaǵdaıy alǵan jaraqattaryna baılanysty aýyr dep baǵalanyp otyr», dep habarlady baspasóz qyzmeti.
Al №7 qalalyq klınıkalyq aýrýhanaǵa jetkizilgen bir naýqas neırohırýrgııalyq bólimshege jatqyzyldy, jaǵdaıy ortasha aýyr.