Qazaqstandyq boksshy Sultan Záýirbek (14-0, 9KO) Anglııanyń Bolton qalasynda ótken boks keshinde óner kórsetti, dep habarlaıdy Egemen.kz Kazproboxing paraqshasyna silteme jasap.
S. Záýirbek argentınalyq Fakýndo Arsemen (15-9-2, 7KO) jekpe-jek ótkizdi. Doda ekinshi jartylaı jeńil salmaqta ótti jáne segiz raýndqa josparlandy. Qazaqstan boksshysy besinshi raýndta qarsylasyn tehnıkalyq nokaýtpen jeńdi.
Osylaısha, Sultan Záýirbek kásipqoı boks mansabynda 14-inshi jeńisine qol jetkizdi.
Sultan Záýirbek WBO European nusqasy boıynsha ekinshi jartylaı jeńil salmaqtaǵy chempıon. Beldikti 2021 jyldyń shildesinde jeńip alǵan bolatyn. Sondaı-aq ol WBC-tiń jastar arasyndaǵy álem chempıony tıtýlyn da jeńip alǵan.