ASTANA. Maýsymnyń 29-y kúni tún ortasy aýa Kolýmbııa – Ýrýgvaı arasyndaǵy ekinshi 1/8 fınaldyq oıyn aıaqtaldy. Mat 2:0 esebimen kolýmbııalyqtardyń paıdasyna sheshildi. Bul týraly egemen.kz habarlady.
29 maýsym. Rıo-de-Janeıro. «Marakana» stadıony. Tóreshi - Born Keıpers (Gollandııa).
Kolýmbııa - Ýrýgvaı 1:1 (1:1, 1:1).
Kolýmbııa: Davıd Ospına, Hýan Sýnıga, Krıstıan Sapata, Marıo Iepes, Pablo Armero, Abel Agılar, Karlos Sanches, Hýan Kýadrado (Freddı Gýarın, 81) Djeıms Rodrıges (Adrıan Ramıres, 85), Teofılo Gýterres (Aleks Mehııa, 68), Djekson Martınes.
Ýrýgvaı: Fernando Mýslera, Maksı Pereıra, Dıego Godın, Hose Hımenes, Martın Kaseres, Alvaro Pereıra (Gaston Ramıres, 54), Egıdıo Arevalo, Krıstıan Rodrıges, Alvaro Gonsales (Abel Ernandes, 67), Dıego Forlan (Krıstıan Stýanı, 53), Edınson Kavanı.
Goldar: Djeıms Rodrıges (28, 50).
Eskertýler: Pablo Armero (78) – Hose Hımenes (55), Dıego Lýgano (78).
Kolýmbııa oıyndy belsendi bastap, sol qanattan aıyp dobyn urý quqyǵyna qol jetkizdi. Biraq qorǵaýshylar bul shabýyldy tez qaıtardy. Biraq shabýyldaýshylar alǵan betterinen qaıtpady. Ýrýgvaılyqtar jaǵdaıdyń bulaı qalyptasýyna kóndikken syńaıly. Kezdesýdiń 18-mınýtyna qaraı kolýmbııalyqtardyń dopty ıgerý basymdylyǵy 71-29 paıyz boldy.
Arada 10 mınýt ótkennen keıin Djeısm Rodrıges keremet gol soqty. Kolýmbııalyqtar uzaq ýaqyt qarsylastar alańynda dop aınaldyryp júrdi. Bir kezde Marıo Iepes pen Hýan Kýadrado bir-birine qaqpaqyldap, qaqpaǵa eki ret urdy. Biraq qaqpa jaqtan qaıtqan dopty olardyń áriptesteri taǵy keri qaıtardy. Osy kelgen dopty keýdesimen qabyldap alǵan Rodrıges denesimen buryla berip, darbazaǵa qaraı zaýlatty. Dop ushqan boıy baǵannyń astyna baryp qadaldy da qaldy. Qarsylastar osy eseppen úziliske shyqty. Arasynda bir ret ýrýgvaılyqtar esepti teńestirýge óte jaqsy múmkindik aldy. Alaıda, ony shegine jetkize almady.
Ekinshi taımnyń basy Ýrýgvaıdyń shabýylymen bastaldy. Degenmen, alańdaǵy jaǵdaı birtindep burynǵy qalpyna keldi. Munyń sońy 50-mınýtta taǵy da golǵa aınaldy. Bul joly da aldyńǵydaı keremet ádemi gol soǵyldy. Kolýmbııalyqtar bul úshin tamasha kombınasııa uıymdastyrdy. Ony Hýan Kýadrado bastap berdi. Ony jetkizgen dobyn alǵan Rodrıges qataryna Djekson Martınesti qosty. Ol alańnyń shetindegi Pablo Armeroǵa dop asyrdy. Quıyndaı ushqan ol kenet dopty aıyp alańyna jóneltti. Sol jerdi ony basymen qaqpashy alańyna Kýadrado jiberdi. Mine, osyny toqtatpastan bos qaqpaǵa tastaı salǵan Rodrıges oıyndaǵy ekinshi goldyń avtory atandy.
Al ýrýgvaılyqtar osy kezden ashyqtan-ashyq dóreki oınaı bastady. Sóıtip júrip, arasynda qarsy joryqtarǵa shyǵyp turdy. Solardyń biri 85-mınýtta oryn aldy. Ony jasaǵan Edınson Kavanıdiń soqqysyn Davıd Ospına buryshtamaǵa qaǵyp jiberdi. Ýrýgvaılyqtar budan keıin qysymdy kúsheıtti. Alańdaǵy tóreshiniń oıynnyń aıaqtalǵanyn bildirgen ysqyryǵy olardy shabýyl ústinde toqtatty.
Sóıtip, 2:0 esebimen jeńiske jetken Kolýmbııa quramasy shırek fınalǵa shyqty. Ol endi 5 shilde kúni Brazılııamen kezdesedi.
Damır Qojamqul.
Derekkóz: egemen.kz.
Foto: Sportbox.ru.