«AMANAT» partııasynyń Saıası keńesi Bıýrosynyń sheshimimen 40 kandıdattyń tizimi bekitilip, QR Parlamenti Májilisiniń VIII shaqyrylymynyń depýtattary retinde tirkeý úshin Ortalyq saılaý komıssııasyna joldandy, dep habarlaıdy Egemen.kz.
«AMANAT» partııasyna 40 depýtattyq mandat berilgen. Partııa tizimi boıynsha Májilis depýtattarynyń qatarynda Rınat Zaıtov bar.
Tanymal aıtysker-aqyn 1983 jyly 17 qarasha aıynda Shyǵys Qazaqstan oblysynyń Aıagóz qalasynda dúnıege kelgen.
M.Tólebaev atyndaǵy mýzyka kolledjiniń «Dramalyq teatr akteri» mamandyǵy, Semeı Memlekettik pedagogıkalyq ınstıtýtynda fılolog mamandyǵyn támamdaǵan.
Rınat Zaıtov 2001-2008 jyldar arasyndaǵy aımaqtyq, respýblıkalyq jáne halyqaralyq aıtys dodalarynyń jeńimpazy.
2021 jyly Alataý dástúrli óner teatry kommýnaldyq memlekettik qazynalyq kásipornynyń dırektory bolyp taǵaıyndalǵan.