AQSh-tyń Tennessı shtatyndaǵy mektepte belgisiz bireý oq jaýdyryp, 7 adam qaıtys boldy, dep habarlaıdy Egemen.kz.
Búgin tańerteń Tennesı shtaty, Neshvıll qalasyndaǵy dinı mekteptiń úsh oqýshysy men úsh qyzmetkeri qaskóıdiń qolynan qaza tapty. 28 jastaǵy áıel eki jartylaı avtomat jáne tapanshamen qarýlanyp Kovenent mektebindegi oqýshylarǵa oq jaýdyrdy. Oqıǵa ornyna kelgen polısııamen atysyp, ózi de oqqa ushty. Onyń mundaı asa aýyr qylmysqa ne úshin barǵany belgisiz.
Bul jyl bastalǵaly beri AQSh-ta beıbit turǵyndarǵa beı-bereket oq atylǵan 130-oqıǵa. «Tapa-tal túste qashanǵy beıkúná balalardy qurban etemiz», degen Prezıdent Djo Baıden Kongressti naqty shara qabyldaýǵa shaqyryp otyr.
Polısııa basqarmasy basshysynyń aıtýynsha, kúdikti osy mekteptiń túlegi bolǵan.
Aıta keteıik sońǵy jyldary AQSh-ta jappaı oq jaýdyrý oqıǵasy qalypty jaǵdaıǵa aınalyp barady. Biraq áıel adamnyń mundaı aýyr qylmysqa barýy sırek eken. 1966 jyldan beri tek tórt áıel osyǵan uqsas qylmys jasaǵan. GVA (Gun violence archive) deregi boıynsha jyl basynan beri beı-bereket oq atý oqıǵasynan 400-ge jýyq bala kóz jumdy.