Qasym-Jomart Toqaev Qazaqstannyń týrızm salasyndaǵy áleýeti joǵary ekenin atap ótti, dep habarlaıdy Egemen.kz.
Memleket basshysy týrızm salasyna den qoıý keregin aıtty.
«Taǵy bir mańyzdy másele. Úkimet jáne Parlament týrızmdi damytý máselesine basa nazar aýdarýǵa tıis. Elimizdegi týrızmniń áleýeti zor, kórikti jerlerimiz óte kóp. Biraq sol jerlerge baryp, demalýǵa áli de jurttyń qoly jete bermeıdi. Bul salaǵa tyń serpin berý úshin, eń aldymen, ınfraqurylym máselesin keshendi túrde sheship, qyzmet sapasyn túbegeıli jaqsartý qajet», dedi Q. Toqaev.
Sonymen qatar týrızm salasyna kóbirek ınvestısııa tartýdy tapsyrdy.
«Kásipkerler týrızmniń bolashaǵy zor ekenin kórýi kerek. Sol úshin qajetti jaǵdaıdy jasaǵan jón. Osy salaǵa salynǵan jeke ınvestısııanyń kólemi, ishten jáne syrttan kelgen týrısterdiń sany neǵurlym kóp bolsa, jumystyń nátıjesi de soǵurlym tıimdi bolmaq», dep atap ótti Prezıdent.