Burynǵy Oqý-aǵartý mınıstri búgin Májilistiń Áleýmettik-mádenı damý komıtetiniń tóraǵasy bolyp saılandy, dep habarlaıdy Egemen.kz.
Depýtattar kópshilik daýyspen Ashat Aımaǵambetovtyń kandıdatýrasyn qoldady.
Ashat Qanatuly Aımaǵambetov 1982 jyly Qaraǵandy oblysynda dúnıege kelgen. Sońǵy tórt jylda ol Úkimette jumys istedi: 2019-2022 jyldary Bilim jáne ǵylym mınıstri, 2022 jyldyń maýsymynan 2023 jyldyń qańtaryna deıin Oqý-aǵartý mınıstri boldy. VIII shaqyrylymdaǵy Májiliste Aımaǵambetov «Amanat» partııasynan depýtat bolyp saılandy.
Aıta keteıik, sessııa bastalar aldynda jýrnalıster Aımaǵambetovten depýtattyń páteri men depýtattyń jalaqysy týraly suraǵan edi.