Eńbek jáne halyqty áleýmettik qorǵaý vıse-mınıstriniń mindetin atqarýshy Nazgúl Saǵyndyqova RSK brıfınginde zeınetaqy júıesinde qandaı ózgerister bolatynyn aıtty, dep habarlaıdy Egemen.kz.
Jańa Áleýmettik kodekstiń jobasy Memleket basshysynyń qaraýyna usynylyp, 1 shildeden bastap kúshine enedi.
Vedomstvonyń málimetinshe, qazirgi júıe zeınetkerlerdiń úsh urpaǵyn qamtıtyn bolady. Qujatta bazalyq zeınetaqynyń mólsherin arttyrý qarastyrylǵan. 2024 jyldyń 1 qańtarynan bastap bolashaq zeınetkerler úshin jumys berýshilerden qosymsha zeınetaqy jarnalary engiziledi.
«О́zgeristerde 1998 jylǵa deıin jáne 1998 jyldan keıin zeınetkerlikke shyqqan zeınetkerler zeınetaqy tólemderiniń negizgi bóligin memleketten, al bolashaq zeınetkerler jınaqtaýshy zeınetaqy júıesinen alatyn bolady, dedi Eńbek jáne halyqty áleýmettik qorǵaý vıse-mınıstriniń mindetin atqarýshy Nazgúl Saǵyndyqova.
Sonymen qatar kodeks normalary ınvestorlarǵa óz aktıvterin basqarýǵa múmkindik beredi.
Azamattar belgilengen jetkiliktilik shegin emdeýge jáne turǵyn úı satyp alýǵa jumsaı alady. Salymshylar alynǵannan keıin qalǵan zeınetaqy jınaqtarynyń nemese barlyq jınaqtalǵan somanyń 50%-dan aspaıtyn bóligin jeke basqarýǵa bere alady.
«Bul rette zeınetaqy jınaqtarynyń saqtalýyna memlekettik kepildik tek Ulttyq bank basqaratyn jınaqtardyń bóligine ǵana qoldanylatynyn atap ótken jón», dep qosty spıker.
Sonymen birge ol ınvestorlar basqarýshy kompanııalardy tańdaǵan kezde yqtımal táýekelderdi ózderi baǵalaýy kerek dep qosty.
Qazaqstandyqtardyń zeınetaqy jınaqtary bir jylda 11,4%-ǵa ósti. 1 naýryzdaǵy jaǵdaı boıynsha Biryńǵaı jınaqtaýshy zeınetaqy qory salymshylarynyń (alýshylardyń) jeke shottarynda 15,13 trln teńge kóleminde zeınetaqy jınaqtary boldy.