AShM kontrabandamen kúresý úshin tuqymdyq bıdaıdan basqa bıdaıdy 6 aı merzimge avtomobıl kóligimen Qazaqstan aýmaǵyna ákelýge tyıym salýdy engizýge bastamashylyq jasady, dep habarlaıdy Egemen.kz.
Tıisti normatıvtik-quqyqtyq aktiniń jobasy jarııa talqylanyp jatyr.
Bul bastama sońǵy birneshe jylda bıdaıdyń zańsyz ákelinýinen zardap shekken qazaqstandyq astyq pen un naryǵyndaǵy aǵymdaǵy jaǵdaıǵa baılanysty týyndady.
Salalyq qaýymdastyqtardyń derekteri boıynsha «sur» ımporttyń kólemi jylyna 1,5-2 mln tonnaǵa jetedi, al memleketke keltirilgen jalpy shyǵyn jyl saıyn 500 mln dollar mólsherinde baǵalanady.
Naryq qatysýshylarynan alynǵan aqparatqa sáıkes, kontrabandalyq astyqtyń qomaqty úlesi avtokólikpen ımporttalady. Ákelingen bıdaı QQS tólemeı sharýa qojalyqtaryna jáne jasyryn keri eksport túrinde rásimdeledi, tranzıttik tarıf tólemeı Aýǵanstan men Ortalyq Azııa elderine jiberiledi. Bul rette ishki naryqta baǵanyń tómendeýi baıqalady. Mysaly, 2022 jyldyń shilde aıynyń basynan bastap bıdaıdyń quny tonnasyna 170-185 myń teńgeden 80-85 myń teńgege deıin tómendedi.