Jaıylymdyq jer tapshy

2021 jyly bastalǵan osy aýqymdy jumys 2026 jylǵa deıin jalǵasady. Tek bıyl­ǵy jyldyń sońyna deıin eldi mekender turǵyndary úshin jaıy­lymdyq jer kólemi 195 myń gektarǵa ulǵaıtylady. Byl­tyr Áıteke bı aýdanynda – 84 myń 800, Baıǵanın aýdanyn­da – 68 myń, Shalqar aýdanynda – 71 myń 800 ga kólemdegi paıdal­a­nyl­maǵan jer memleketke qaı­taryldy. Osyndaı jaqsy uıym­dastyrylǵan jumystyń nátı­je­sinde jaıylymdyq jer aýmaq­tary Alǵa aýdanynda – 23 myń, Yrǵyz aýdanynda – 26 myń 400, Qobda aýdanynda – 25 myń, Muǵaljar aýdanynda – 21 myń gektarǵa ulǵaıdy.

Oblystyq jer resýrstaryn basqarý departamenti basshy­synyń orynbasary Nurlybek Amanqulovtyń habarlaýynsha, 2021 jyly – 512 myń, 2022 jyly – 535 myń gektar aýyl sharýa­shy­lyǵy maqsatyndaǵy jerler memleketke qaıtaryldy. О́ńirdegi 10 iri sharýashylyq ıesi 239 myń gektar jer ýchaske­sin memleketke óz erikterimen tapsyrdy. Bul jer resýrstaryn baqylaý departamenti mamandarynyń tyńǵylyqty jáne jaqsy uıymdastyrylǵan jumystarynyń nátıjesinde múmkin bolyp otyr. Departament qyzmetkerleri ótken jyly 610 myń gektar jerdiń tıimdi ıgerilýin tekserý kezinde 177 zań buzýshylyq tapty. Sonyń ishinde 101 sharýa qojalyǵy ıesi qoradaǵy maldaryn tirkemeı jasyryp júrgeni anyqtalyp, olarǵa aıyppuldar salyndy.

Soǵan qaramastan eldi mekender turǵyndary úshin jaıylym­dyq jerlerdiń jetispeýshiligi ózekti máselege aınaldy. О́tken jyly aýyl sharýashylyǵy maqsatyndaǵy 195 myń gektar jerdiń qaıtarylyp berilýine qaramastan, áli kúnge deıin aýyl turǵyndarynyń qorasyndaǵy malyn jaıatyn jer tapshy. Jaıylymdyq jerdiń jetispeý­shiligin, ásirese Alǵa, Mártók, Temir aýdandary men Aqtóbe qalasynyń tóńiregindegi eldi meken turǵyndary qatty sezinip júr. Máselen, Alǵa aýdanynda – 33 myń, Mártók aýdanynda – 19 myń gektar, Temir aýdanynda – 12 myń, Aqtóbe qalasy aýmaǵynda – 21 myń gektar jer jetispeıdi.

2023 jyly1 qańtardan bas­tap Kásipkerlik Kodeksine engizilgen ózgerister boıynsha kásipkerlik nysandaryn jos­pardan tys tekserýge tyıym salynady. Munyń kesirinen jer ýchaskelerin maqsatty túrde paı­dalanbaǵandardyń zań buzýshy­ly­ǵyn baqylaý qıyn bolatyn túri bar. Ásirese qurylys jumys­taryn júrgizýge alynǵan jerler­di qadaǵalaý qoldan sýsyp kete­di. О́ıtkeni qoldanystaǵy Jer Kodeksinde kásipkerlik nysandary qurylys júrgizýge alǵan jer ýchas­kelerin paıdalanýdyń naq­ty krıterııleri kórsetilmegen. Aýyl sharýashylyǵy mınıstr­ligi osy suraq boıynsha Jer kodeksi­ne ózgerister engizý týraly usynystar ázirlep otyr. De­pý­tattar da osy qurylysqa alyn­­ǵan jer ýchaskelerin tıimdi paı­­dalanýdyń zańnamalyq normalaryn tezirek qarastyrýǵa tıis.

Bıylǵy jyldyń taǵy bir jaqsy jańalyǵy – Aýyl sharýashylyǵy jáne Sıfrlyq damý, ınnova­sııalar jáne aeroǵarysh óner­kásibi mınıstrlikteriniń memleket menshigine qaıtarylǵan jerlerdiń ınteraktıvti kartany qoldanysqa engizýi. Endigi jerde turǵyndar keri qaıtarylǵan aýyl sharýashylyǵy maqsatyndaǵy jer ýchaskelerin geoportal arqyly baqylaı alady. Aqtóbe oblysynda da byltyr memleketke qaıtarylǵan 535 myń gektar jerdi geoservıske engizý jumys­tary bastaldy. Endigi jerde Aqtóbe qalasynyń ákimdiginde geo­por­tal arqyly qaıtarylǵan jer­lerdi kórýge bolady. Sondaı-aq aýdan ákimdikteriniń saıttarynda da osy málimetter ornalastyrylady.

Aqtóbe oblysy