Bas báıge – «Alataýda»

О́zbekstan prezıdentiniń kýbogi sa­rapqa salynǵan bul jarysta oblystyń namysyn qorǵaǵan «Alataý» kókpar komandasy irikteý syndarynda qarsylas «О́z­bekstan-2» jáne «Qara­baıyr» (О́z­bekstan) ko­man­dalaryn artqa tas­tap, she­shýshi oıynda Qyrǵyz­stan qurama komandasyn 12:4 ese­bimen oısyrata je­ńip, baı­raqty básekeniń bas báı­gesin qanjyǵasyna baılaǵan-dy.

Osyǵan oraı, halyqaralyq jarys­tyń jeńimpazy atanǵan «Alataý» kók­par komandasyn Almaty obly­synyń ákimi Marat Sultanǵazıev qýa­­­nysh­­­pen qarsy alyp, ulttyq sport­­qa qosqan súbeli úlesi men halyq­aralyq jarys­ta joǵary nátıje kórsetkenderi úshin «Alataý» kókpar fede­ra­sııasynyń prezıdenti Sábıt Qasenovke jáne komanda bap­keri men sportshylarǵa Al­ǵys­hatyn tabys etti.

Osydan eki jyl buryn «Jetisý» ataýymen qurylyp, keıin «Alataý» atalǵan kók­­par komandasynyń az ýa­qyt ishindegi jetistigi jan jadyratarlyq. Oǵan 2022 jylǵy respýblıkalyq chem­pıo­nattyń birinshi lıgasynda toǵyz komandanyń ishinen top jaryp, chempıon atanýy dálel.

Almaty oblysynyń eki­ge bólinýine oraı bıyldan bastap «Alataý» ataýy­n en­shilegen kókparshylardyń halyqaralyq básekedegi bul jeńisteri jibin úzbeı jal­ǵasatynyna senimdi. At jalynda oınaıtyn epti de jú­rekti ári bilekti jekpe-jek she­beri Temirlan Seıitbekov pen Erjanat Toqtarbaevtyń jáne Baqytjan Saıdoldanov, Erejep Abaı bastaǵan sa­ıyp­qyrandardyń oıyndary qashanda kórermenniń qo­­shemetine ıe. Bilikti kók­­par­shylardyń izinen iles­ken jas sportshylar Serik Ábýov, Aıdos Amantaevtar erteńinen mol úmit kúttiredi. Bas bap­ker Saıat Sydyrmanov bap­taǵan komandanyń 7 oıyn­shy­sy búginde Qazaqstan qura­masynyń sapynda óner kór­setip júr.

Almaty oblysy