Petropavlda dárigerler júregi 18 mınýtqa toqtaǵan adamdy aman alyp qaldy. Tynys demikpesimen aýyratyn 54 jastaǵy áıel kenetten tunshyqqan, dep habarlaıdy Egemen.kz «Astana» telearnasyna silteme jasap.
Jedel járdem qyzmeti jetkenshe naýqastyń júregi toqtap qalǵan. Mamandar defıbrıllıatordy tórt márte qoldanǵanymen, eshteńe shyqpaǵan.
Artynsha qosymsha dárigerlerdi shaqyrtyp, birshama ýaqyttan soń áıeldi tiriltip aldy. Arnaıy qurylǵymen tynys alǵan naýqas birden aýrýhananyń jansaqtaý bólimine jetkizildi. Qazir dárigerler onyń jaǵdaıyn turaqty dep baǵalap otyr.
«Biz kelgende naýqas es-tússiz boldy, ıaǵnı qan aınalymy men tynys alýy durys bolmady. Biz sony baıqap, birden reanımasııalyq is-sharaǵa kóship kettik. Mende sátsiz reanımasııa bolǵan joq», dedi Soltústik Qazaqstan oblysy jedel járdem ortalyǵynyń qyzmetkeri Álııa Orazbaeva.