Premer-mınıstrdiń orynbasary – saýda jáne ıntegrasııa mınıstri Serik Jumanǵarın azyq-túlik qymbattaýy múmkin ekenin aıtty. Oǵan sebep janar-jaǵarmaı baǵasynyń ósýi, dep habarlaıdy Egemen.kz.
Mınıstrdiń aıtýynsha, janar-jaǵarmaıdyń qymbattaýy azyq-túlik baǵasyna qatty áserin tıgizbeıdi. Degenmen keıbir taýarlardyń baǵasy ósýi múmkin.
«Jeńil taýar bolsa asa qymbattamaıdy, iri ónimderge baǵa tıisinshe ósýi múmkin. Janar-jaǵarmaı baǵasy ósken jaǵdaıda, mysaly qantqa áseri – 5%, al kúnbaǵys maıy – 2,4%-ǵa ósedi degen boljam bar. Shamamen 15-17 teńgege qymbattaýy múmkin. Qazir taýar óndirýshi iri kásiporyndar benzın, dızelmen jumys istemeıdi. Olar gazǵa kóshken, al gazdyń baǵasy ázirshe óspeıdi», dedi Serik Jumanǵarın.