Sınoptıkter 6-8 sáýirge arnalǵan aýa raıy boljamyn jarııalady, dep habarlaıdy Egemen.kz.
Atmosferalyq frontaldy bólimderdiń ótýimen Qazaqstannyń basym bóliginde aýa raıynyń turaqsyz sıpaty kútiledi. 6-8 sáýirde ońtústikte, 7-8 sáýirde ońtústik-shyǵysta keı ýaqyttarda qatty jańbyr jaýady.
7 sáýirde Skandınavııa aýdandarynan soltústik-batys antısıklonnyń enýiniń áserinen elimizdiń soltústik-batysy men soltústiginde aýa temperatýrasynyń kúrt tómendeýi, sondaı-aq jańbyrdyń qarǵa ulasýy kútiledi.
«Respýblıka boıynsha jel kúsheıedi, ońtústik óńirlerde tuman, shańdy daýyl men naızaǵaı, soltústikte, soltústik-batysta kóktaıǵaq boljanady. Soltústik pen soltústik-batysta aýa temperatýrasy túnde 2-12 aıazǵa deıin, kúndiz 5 aıaz - 7 jylyǵa deıin tómendeıdi», delingen habarlamada.