Ekibastuzdan elordaǵa em izdep kelgen Vladımır sekildi naýqastardy dárigerler «Suraq belgisi keıpindegiler» dep ataıdy eken. Iаǵnı mundaı adamdar búkireıgen boıyn tik ustaı almaı, jyldar boıy súıek aýrýynyń zardabyn tartady. Alaıda bul azaptan da qutylýǵa bolatynyna N.Batpenov atyndaǵy Ulttyq ǵylymı travmatologııa jáne ortopedııa ortalyǵynda jasalǵan operasııa kóz jetkizdi.
Atalǵan ortalyqtyń hırýrgteri Ekibastuzdan kelgen naýqasty biraz jyl qınaǵan aýrýynan qutqardy. Operasııa MÁMS júıesi aıasynda jasaldy.
Bul aýrý alǵa qaraý úshin adamnyń basyn kóterýine múmkindik bermeıdi. Naýqastyń bul syrqattan zardap shekkenine birneshe jyl bolǵan. Mundaı aýrýǵa operasııa jasaý óte qıyn jáne sırek jasalady eken. Tipti Reseı dárigerleri de naýqasty qabyldaýdan bas tartqan.
Akademık N.J.Batpenov atyndaǵy Ulttyq ǵylymı travmatologııa jáne ortopedııa ortalyǵynyń hırýrgteri joǵary tehnologııalyq medısına kómegimen 6 saǵat boıy operasııa jasady. Sátti jasalǵan operasııadan keıin pasıent ońaltý emsharasyn qabyldap jatyr.
«Jazǵa qaraı Vladımır belsendi ómir saltyna tolyqqandy kóshedi dep úmittenemiz. Eń bastysy – ońaltý kezeńinen durys ótý», deıdi omyrtqa patologııasy bóliminiń meńgerýshisi Seıdáli Ábdalıev.
Osyndaı bir ǵana kúrdeli operasııanyń quny orta eseppen birneshe mıllıon teńge turady. Áleýmettik medısınalyq saqtandyrý qorynan medısınalyq qyzmet kórsetýge qomaqty qarajat bólinedi. Jyl saıyn medısınalyq saqtandyrý esebinen travmatologııa, neırohırýrgııa, kardıohırýrgııa, ýrologııa, onkologııa jáne basqa da salalar boıynsha kóptegen qymbat operasııa jasalady. Mysaly, 2022 jyly elordada joǵary tehnologııalyq medısına kómegimen 7 885 operasııa jasaldy.
«Osyndaı kúrdeli operasııany maǵan MÁMS júıesi arqyly tegin jasady. Sátti ótken operasııadan keıin ózimdi áldeqaıda jaqsy sezinemin. Ortalyq dárigerlerine alǵysym sheksiz», dep rızashylyǵyn bildirdi Vladımır.
Atalǵan ortalyq – tirek-qımyl apparatynyń eń kúrdeli aýrýlaryna operasııa jasaıtyn, travmatologııa jáne ortopedııa máseleleri boıynsha jetekshi uıym. Osy ortalyqqa júgingisi, MÁMS aıasynda kómek alǵysy kelgen emdelýshiler Medısınalyq saqtandyrý qoryna habarlasýyna bolady. Sarapshylar sizge TMKKK sheńberinde jáne MÁMS júıesinde medısınalyq kómek alý boıynsha keńes beredi, mártebesi men tólemi boıynsha aqparatty tekseredi, qajet bolǵan jaǵdaıda máseleni sheshýge medısınalyq uıymnyń sarapshylaryn jumyldyrady.