Almaty polısııasy Qazaqstannyń kóshi-qon zańnamasyn buzǵan sheteldikterdi el aýmaǵynan shyǵardy, dep habarlaıdy Egemen.kz.
Almaty polısııasy jedel-profılaktıkalyq is-sharalar barysynda 18 О́zbekstan azamaty men Tájikstan azamatyn anyqtady.
«Biz 19 quqyq buzýshyny memlekettik shekaraǵa jetkizýdi uıymdastyrdyq. Osy maqsattar úshin kóp oryndyq avtobýs qarastyrylǵan. Olar «Jibek joly» baqylaý-ótkizý beketinde memlekettik shekaraǵa deıin jetkizildi. Eske salaıyq, Almaty polısııasy zańsyz kóshi-qon arnalaryn, sheteldikterdi zańsyz tartý faktilerin anyqtaý maqsatynda «Mıgranttyq», «Nelegal» jáne «Quqyq tártibi» boıynsha turaqty jumys júrgizedi», dep habarlady kóshi-qon basqarmasynyń basshysy Ashat Býtýnchınov.
Jyl basynan beri 6472 adam ákimshilik jaýapkershilikke tartylsa, onyń 1738-i shetel azamattary. 248 sheteldik ákimshilik tártippen elden shyǵaryldy. PD qabyldaý bólimine jeke basyn kýálandyratyn qujatsyz 365 shetel azamaty ornalastyryldy.