Qazaqstandyqtar Andreı Golýbev pen Aleksandr Nedovesov juptyq synda AQSh-ta ótip jatqan Hıýston ATP 250 týrnıriniń fınalyna shyǵa almady, dep habarlaıdy Egemen.kz.
Qazaqstandyq jup jartylaı fınalda aýstralııalyq Maks Pıorsell men Djordan Tompsonmen kúsh synasty.
Eki set te taı-breıkpen aıaqtalyp, onda aýstralııalyq dýet sáttirek oınady – 7:6 (8:6), 7:6 (7:5).
Eki saǵatqa sozylǵan tartysty báseke barysynda qazaqstandyqtar 1 eıspen birge 6 breık-poınttyń ekeýin paıdalandy. Qarsylastary 5 eıs, 2 breıkpen (4 breık-poınt) kózge tústi.
Aýstralııalyq jup sońǵy matchta Ulybrıtanııa ókilderi Djýlıan Kesh pen Enrı Pattenmen bas júldeni sarapqa salady.