Izraıl Sırııanyń ońtústiginde jáne el astanasy Damask mańynda artıllerııalyq soqqy berdi, dep habarlaıdy Egemen.kz euronews agenttigine silteme jasap.
SAHAL kommıýnıkesinde soqqynyń Sırııa qarýly kúshteri paıdalanatyn zymyran ushyrý qondyrǵylaryna, áskerı radar júıelerine jáne artıllerııalyq beketterge jasalǵany aıtyldy.
Bul soqqy senbiden jeksenbige qaraǵan túni Sırııa aýmaǵynan Golan tóbelerine eki ret zymyran ushyrýǵa jaýap boldy.
«Izraıl qorǵanys kúshteri Sırııany óz aýmaǵynda bolyp jatqan barlyq áreketterge jaýapty dep sanaıdy jáne Izraıldiń egemendigin buzý áreketine jol bermeıdi», delingen málimdemede.
Shabýyl osy aptada Ierýsalımdegi ál-Aqsa meshitindegi qaqtyǵystar, Lıvan men Izraıl arasyndaǵy zymyrandyq shabýyldar, Gaza sektorynan atqylaýdan jáne Izraıldiń jaýap soqqylarynan, Tel-Avıv pen Batys jaǵalaýdaǵy ólimge ákelgen shabýyldardan keıin aımaqta shıelenistiń artýy kezinde oryn aldy.