Almaty oblysynda ıtti súıregen er adamnyń áreketin kýágerler baıqap, vıdeoǵa túsirip alǵan. Oqıǵa Alataý tasjoly boıynda Tuzdybastaý aýylynda bolǵan, dep habarlaıdy Egemen.kz.
Kadrlardan eldi meken kóshelerimen ketip bara jatqan qyzyl tústi kólikke baılanǵan ıtti kórýge bolady. Qınalǵan janýar qan josa bolyp, júrýden qalǵan.
Áleýmettik jelide taraǵan vıdeoda kýáger kólik ıesin toqtatyp, ıtti baýdan bosatyp alǵanyn aıtady.Qazir osy oqıǵaǵa qatysty Talǵar aýdandyq polısııa basqarmasynda 316-bap «Janýarlarǵa qatygezdik kórsetý» boıynsha is qozǵaǵanyn habarlady.
«Sotaldy tergep-tekserý joǵaryda atalǵan bólimniń qyzmetkerlerine tapsyryldy. Quqyq buzýshy 1987 jylǵy er adam ekeni anyqtaldy. Qazirgi ýaqytta qajetti tergeý sharalary júrgizilip jatyr», delingen habarlamada.