Qadir» sózi «úkim túni» maǵynasyn beredi. Demek, qadir túni – Allanyń taǵdyrdy úkim etetin túni.
Quranda: «Ol keshte barlyq hıkmetti ister aıyrylady», – degen («Dýhan» súresi, 4-aıat). Qatada: «Bul túnde kelesi jylǵy isterdiń taǵdyry jazylady», – deıdi. «Qadir» sóziniń taǵy bir maǵynasy «abyroı, bedel». Mundaı joǵary dárejege laıyq bolýynyń sebebi, bul túnniń qadir-qasıeti myń aıdan da qaıyrly. «Qadir túni myń aıdan da artyq», – dep «Qadir» súresinde baıandalady. Ramazan kelgende, Alla Elshisi (oǵan Allanyń salaýaty men sálemi bolsyn): «Rasynda, senderge bul aı keldi! Onda myń aıdan da qaıyrly bir tún bar. Sonda kim ol túni beıqamdyq tanytsa, onyń barlyq ıgiliginen qur qalady. Al onyń barlyq ıgiliginen tek naǵyz maqrum adam ǵana aıyrylyp qalady!» – dep jetkizgen.
Paıǵambar (oǵan Allanyń salaýaty men sálemi bolsyn) óziniń kóptegen hadısterinde Qadir túnin Ramazan aıynyń sońǵy on kúndiginde jáne sol on kúndiktiń taq túnderinen izdeý kerek degen.
Iаǵnı Qadir túni Ramazan aıynyń 21, 23, 25, 27, 29 kúnderi bolýy ábden múmkin. Taq túnderge baılanysty sahaba Abdýlla ıbn Omardan (Alla oǵan razy bolsyn) birneshe jolmen jetken sahıh hadısinde Paıǵambar (oǵan Allanyń salaýaty men sálemi bolsyn): «Qadir túnin Ramazannyń 27-túni izdeńder», degen (Buharı, Múslım). Osy syndy hadısterge súıengen kóptegen ǵalymdar, ásirese Orta Azııa musylman jurty osy túni Qadir túni bolýy ábden múmkin degen boljam jasaǵan. Alaıda, Qadir túniniń naqty qaı tún ekendigi tek bir Allaǵa ǵana aıan. Paıǵambar (oǵan Allanyń salaýaty men sálemi bolsyn) Ramazannyń sońǵy onkúndiginde qulshylyqqa erekshe berilip, ıǵtıkafqa kiretin edi degen. Iǵtıkaf – qulshylyq maqsatymen meshitte oqshaýlaný. Aısha anamyzdyń (Alla oǵan razy bolsyn) sózderin eskersek, Ramazan aıynyń sońǵy on kúninde, ásirese taq túnderinde qulshylyqqa erekshe den qoıǵan jón. Sonda sońǵy onkúndiktiń ishindegi taq túnderiniń birine sáıkes kelý yqtımaldyǵy joǵary bolady.
Al bıyl Qadir túni 17 sáýirden 18 sáýirge qaraǵan túnge belgilendi.