Memleket basshysy Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalıdyń elimizdegi jemqorlyqqa qarsy is-qımyl sharalary jónindegi esebin tyńdady, dep habarlaıdy Egemen.kz Aqordanyń baspasóz qyzmetine silteme jasap.
Ashat Jumaǵalıdyń málimetinshe, birinshi toqsanda 500-den astam jemqorlyq qylmys tirkelip, 400-den asa tulǵanyń jemqorlyq áreketi áshkerelengen. Onyń 53-i ártúrli deńgeıdegi basshylar.
Bıyl 23 qańtardan bastap shaǵyn jáne orta kásipkerlikti damytý jolyndaǵy ákimshilik kedergilerdi joıýǵa baǵyttalǵan «Bızneske jol» jobasy iske qosylǵan. Joba aıasynda shamamen 7 myń kásipker kómek alyp úlgergen.
Bıyl Sybaılas jemqorlyqqa qarsy qyzmet sybaılas jemqorlyqqa ákep soqtyratyn qaterlerdi joıýǵa qatysty 769 usynym men usynys engizilgen.
Prezıdent jemqorlyqqa ıtermeleıtin júıeli sebepter men jaǵdaılardy joıý asa mańyzdy ekenin atap ótti. Sonymen qatar Memleket basshysy joǵary laýazymdy tulǵalar arasyndaǵy sybaılas jemqorlyqty anyqtaýǵa jáne onyń jolyn kesýge basa mán berýdi tapsyrdy.