Almaty turǵyndary men qonaqtaryna erigen qar kóshkini qaýpi týraly eskertý jasaldy, dep habarlaıdy Egemen.kz.
Qalalyq Tótenshe jaǵdaılar departamenti habarlaǵandaı, qazir ylǵaldy qar kóshkini júrip jatyr. Mundaı kóshkin astynda qalǵandardyń is júzinde tiri qalýǵa múmkindigi joq.
«Sınoptıkterdiń boljamyna qaraǵanda, Almaty taýlarynda jaýyn-shashynǵa baılanysty qardyń 60 santımetrden joǵary kóterilýi baıqalady, mamandar qar kóshkini qaýpiniń joǵary (qyzyl) deńgeıin belgiledi. Keıingi eki kúnde ǵana Almaty taýlarynda jalpy kólemi shamamen 50 myń tekshe metr bolatyn 10 qar kóshkini júrdi», delingen TJD taratqan habarlamada.
Bul rette, TJD jáne «Kazseldenqorǵaý» almatylyqtarǵa, týrısterge jáne megapolıs qonaqtaryna «Qazgıdromet» RMK boljamyna baılanysty taýly jerlerde serýendeýden bas tartýdy qatań túrde usynady.