Astanada munaı salasy boıynsha qyzmet kórsetý kompanııasynyń bir top jumysshysy sanksııalanbaǵan mıtıng uıymdastyrdy, dep habarlaıdy Egemen.kz qalalyq polısııa departamentiniń baspasóz qyzmetine silteme jasap.
El zańnamasyna sáıkes, buqaralyq is-sharalar jergilikti atqarýshy organdardy habardar ete otyryp, turǵyndardyń tynys-tirshiligin qamtamasyz etetin nysandardyń qalypty jumysyna kedergi keltirmeıtindeı, arnaıy ruqsat etilgen jerde uıymdastyrylýy qajet.
Alaıda, mıtıngke qatysýshylar jergilikti atqarýshy organdarǵa tıisti ótinish joldamaı, jergilikti máslıhat sheshiminiń tiziminde joq jerde sanksııalanbaǵan shara uıymdastyrǵany anyqtaldy.
Nátıjesinde, «Beıbit jıyndar týraly» zańyn buzýyna baılanysty aksııanyń birqatar uıymdastyrýshysy men belsendi qatysýshylary polısııa bólimshesine jetkizildi.
Ustalǵandar QR Ákimshilik quqyqbuzýshylyqtar týraly kodeksiniń 488 jáne 667 baptary boıynsha jaýapqa tartylady.
Atalǵan baptardyń sanksııalaryna sáıkes kináli adamdarǵa eskertý jasalady nemese 30 aılyq eseptik kórsetkish kóleminde aıyppul salynady. Olar sondaı-aq 15 táýlikke ákimshilik qamaýǵa alynýy múmkin.