Jańaózende joldy jaýyp tastaǵany úshin ustalǵan 24 adam bosatyldy, dep habarlaıdy Egemen.kz Mańǵystaý oblystyq polısııa departamentiniń baspasóz qyzmetine silteme jasap.
«Jańaózende joldy jaýyp tastaǵany úshin ustalǵan 24 adam profılaktıkalyq áńgimeden keıin úılerine jiberildi», delingen habarlamada.
Buǵan deıin Jańaózende bir top azamat joldy jaýyp, azamattardyń qozǵalysyna kedergi jasaǵan edi. Qoǵamdyq qaýipsizdikti jáne kólikterdiń kedergisiz júrýin qamtamasyz etý úshin polısııa qyzmetkerleri olardy qalalyq ishki ister bólimine jetkizgen bolatyn.