Depýtat Gaýhar Tanasheva ár balaǵa tólenetin járdemaqynyń mólsherin arttyrý qajet ekendigin aıtty, dep habarlaıdy Egemen.kz.
Depýtat ataýly áleýmettik kómektiń ornyna biryńǵaı járdemaqy tóleýdi usyndy.
«Qazaqstan Halyq partııasynyń fraksııasy ataýly áleýmettik kómekti alyp tastaý qajet dep sanaıdy. Bul jaǵdaıda olarǵa tólenetin járdemaqynyń mólsherin arttyrý qajet. Ár balaǵa naqty kólemde, jumsaýǵa jetkilikti mólsherde biryńǵaı járdemaqy tólegen durys. Eń tómengi jalaqy mólsherinde ár balaǵa aıyna 70 myń teńge kóleminde memlekettik járdemaqy taǵaıyndaýdy qarastyrýdy usynamyz. Mysaly, 4 balaǵa beriletin járdemaqy - 280 myń teńge, 2 balaǵa - 140 myń teńge. Qazirgi ýaqytta 4 bala 55 340 teńge járdemaqy alady. Ár balaǵa aıyna sanaǵanda 13 826 teńge bólinedi. Bul áleýmettik qoldaýdyń aqylǵa qonymsyz mólsheri. Munda ınflııasııanyń turaqty ósýi, ekonomıkanyń turaqsyz jaǵdaıy, turǵyn úıdiń joqtyǵy jáne jumyssyzdyq eskerilmegen», dedi depýtat Gaýhar Tanasheva.