Bul týraly Memleket basshysy Ǵylym jáne tehnologııalar jónindegi ulttyq keńestiń birinshi otyrysynda aıtty, dep habarlaıdy Egemen.kz.
«Zertteý jumystarymen shuǵyldanatyn ýnıversıtetterdi qoldaý qajet. Ǵylym men óndiristiń baılanysyn nyǵaıtyp, ınnovasııanyń ózindik qunyn tómendetken jón. Iаǵnı, tyń ıdeıalardy jáne tehnologııalyq jańalyqtardy jedel engizý óte mańyzdy», dedi Prezıdent.
Sondaı-aq Memleket basshysynyń aıtýynsha, osy salaǵa qyzyǵýshylyq tanytqan mamandardy udaıy tartyp otyrý kerek. Budan bólek, balalardy mektep jasynan bastap ǵylymǵa, ınnovasııalyq turǵyda oılaý ádisine baýlý asa mańyzdy.
«Shyn máninde, daryndy balalardy jastaıynan ǵylymǵa tartý kerek. Osy óte mańyzdy jumysty iri kásiporyndar júrgizip otyrsa, quba-qup bolar edi. Ǵylymǵa beıim jastardy ǵylymı ortalyqtarǵa shaqyryp, ǵalymdardyń jańa býynyn daıyndaý kerek», dedi Q.Toqaev.