Qazaqstan men Qytaı Úkimeti eki baǵytta da óz azamattary úshin vızasyz rejım engizýdi josparlap otyr. Mundaı qaýlynyń jobasyn Syrtqy ister mınıstrligi ázirledi, dep habarlaıdy Egemen.kz
Qujatqa sáıkes, qazaqstandyqtar Qytaıǵa, al QHR azamattary Qazaqstanǵa vızasyz bara alady, týrıster shekaradan ótken sátten bastap 30 kúnnen jáne 180 kúndik kezeńde 90 kúnnen aspaıtyn merzimde bola alady.
Eger osy elderdiń biriniń azamattary ekinshi tarap memleketiniń aýmaǵynda kózdelgen merzimnen uzaǵyraq qalýǵa nıet bildirse, onda olar memleket aýmaǵyna kirgenge deıin tıisti vızaǵa júginýge tıis.
Qazaqstandyqtar úshin jaramdy jol júrý qujattary:
QR azamattynyń tólqujaty; QR aýmaǵyna qaıtý týraly kýálik.Qytaı azamattary úshin:
QHR azamatynyń jartylaı qyzmettik tólqujaty; QHR azamatynyń tólqujaty; ýaqytsha jol júrý qujaty.«Kelisimge qol qoıý Qazaqstan Respýblıkasy men Qytaı Halyq Respýblıkasy arasyndaǵy tyǵyz yntymaqtastyqty nyǵaıtýǵa serpin beredi», delingen qaýlyda.
Qujat 19 sáýirge deıin qoǵamdyq talqylaý úshin «Ashyq NQA» saıtynda ornalastyrylǵan.
Aıta keteıik, taraptar ózara vızasyz rejımdi 2022 jyldyń maýsym aıynda talqylady. Keıin Qazaqstan birjaqty tártipte Qytaı azamattary úshin 14 kúntizbelik kúnge deıingi merzimge vızasyz rejım ashty.