Ekibastuz qalasynyń 112 pýltine Q.Sátbaev atyndaǵy arnanyń toǵyzynshy sorǵy stansııasynda 1953 jáne 1950 jyly týǵan eki balyqshy muz astyna túsip ketkeni týraly habarlama túsken, dep habarlaıdy Egemen.kz Pavlodarnews.kz-ke silteme jasap.
«Oqıǵa ornyna tórt súńgýir-qutqarýshydan turatyn Ekibastuz qalasy qutqarý bólimshesiniń kezekshi aýysymy attandy. Qutqarýshylar saǵat 19:30-da súńgýir quraldaryn paıdalanyp, jaǵalaýdan 40 metr qashyqtyqta eki balyqshynyń bireýiniń denesin shyǵardy. Saǵat 19:52-de jaǵalaýdan 70 metr qashyqtyqta ekinshi balyqshynyń denesi shyǵaryldy», dep habarlady Pavlodar oblysynyń jedel qutqarý jasaǵy.
Qutqarýshylar balyqshylardan sýdaǵy qaýipsizdik sharalaryn saqtaýdy suraıdy jáne muzdyń ústine shyqpaýǵa keńes beredi.