Pavlodardyń 46 jastaǵy turǵyny Nagan markaly týla revolverin polısııaǵa tapsyrdy. Bul revolverdi 1915 jyly Uly Petr atyndaǵy Týla qarý-jaraq zaýyty shyǵarǵan, dep habarlaıdy Egemen.kz.
Revolverge ballıstıkalyq saraptama júrgizilgennen keıin komıssııa sheshimi boıynsha memleket pavlodarlyqqa 100 myń teńgege jýyq qarajat tóleıdi.
«Ýsolka shaǵyn aýdanynyń mańynda serýendep júrgenimde osy revolver men oǵan eki kartrıdj ornalasqan polıetılen paketin taýyp aldym, ol sırek kezdesetin qarý ekenin bildim. Men ony murajaıǵa tapsyrǵym keldi. Murajaı týraly bilý úshin áleýmettik jelilerdi qaraǵan kezde polısııanyń tirkelmegen qarýdy halyqtan qabyldaıtyny týraly aqparatty kórip, ony óz erkimmen polısııaǵa tapsyrýǵa sheshim qabyldadym», dedi Pavlodar turǵyny.
Polısııa tapsyrylǵan revolverdi tarıhı jádiger retinde Pavlodar oblysy PD-nyń murajaıyna berýdi josparlap otyrǵanyn atap ótti.