Boksshy Meıirim Nursultanov qarsylasyn nokaýtpen utyp, chempıondyq belbeýin saqtap qaldy, dep habarlaıdy Egemen.kz.
Ońtústik Koreıanyń Inchhon qalasynda ótken boks keshindegi basty jekpe-jekte qazaqstandyq Meıirim Nursultanov (18-0, 10 KO) pen japonııalyq Kadzýto Takesako (15-0, 14 KO) sharshy alańǵa shyqty.
M.Nursultanov bul jekpe-jekte orta salmaqtaǵy WBO International tujyrymy boıynsha chempıondyq ataqqa talasty.
Boksshylardyń ekeýi de buǵan deıin rıngte jeńilip kórmegen edi. Meıirim jekpe-jek barysynda basymdylyǵyn baıqatyp, segizinshi raýndta qarsylasyn nokaýtqa jiberdi.
12 raýndqa eseptelgen jekpe-jek merziminen buryn aıaqtaldy. Al Kadzýto Takesako alǵash ret nokaýtpen jeńildi.
Bul qazaqstandyq boksshynyń 19-shy jeńisi. Osylaısha, ol óziniń WBO beldigin saqtap qaldy.