Qazaqstanda qyzmetkerlerge medısınalyq skrınıngten ótý úshin 3 kúnge deıin arnaıy demalys alý quqyǵy bar, alaıda bul norma is júzinde tolyq jumys istemeı otyr. Bul týraly Májilis depýtaty Ashat Aımaǵambetov aıtty, dep habarlaıdy Egemen.kz.
Onyń aıtýynsha, kóptegen azamattar óz quqyqtaryn bilmeıdi, sonyń saldarynan turǵyndardyń shamamen jartysy onkologııalyq skrınıngten ótpeıdi.
Skrınıngten ótý úshin 3 kúnge deıin arnaıy demalys alýǵa bolatyny týraly norma bar. Alaıda bul tetik tolyqqandy jumys istemeı otyr. Kóptegen azamattar bul quqyq týraly da, skrınıngten ótý ýaqyty týraly da bilmeıdi. Muny azamattardyń jartysyna jýyǵynyń, mysaly, onkologııalyq skrınıngten ótpeıtini kórsetip otyr», dep jazdy Ashat Aımaǵambetov.
Astanalyqtar birneshe medısınalyq skrınıngten tegin óte alady
Osy oraıda Májilis depýtaty Eńbek kodeksine tıisti túzetýler usynǵanyn málimdedi.
«Jumys berýshi qyzmetkerlerdiń skrınıngten ótýine jaǵdaı jasaýy tıis. Kadr qyzmeti bul prosesti uıymdastyryp, qyzmetkerlerge kómektesýi qajet. Al DSM skrınıngten ótetin azamattardyń tizimin kadrlyq aqparattyq júıelermen biriktirip, azamattarǵa eGov arqyly push-habarlama nemese SMS jiberýdi engizý qajet», dedi depýtat.
76 jasqa deıingi el azamattary tegin skrınıngten óte alady