Ekonomıst Sábıt Rysbaev elimizdegi joǵary jyldamdyqpen júretin tasjoldarda jyldamdyq shekteýleriniń birkelki emestigin aıtyp, júrgizýshilerdiń kenetten tómen shekteýge tap bolýy qıyndyq týdyratynyn málimdedi, dep habarlaıdy Egemen.kz.
«Astana-Býrabaı, Astana-Pavlodar avtobandarynda 140 km/saǵ jyldamdyqpen júresiz. Sol sııaqty Shymkent-Túrkistan, Tashkent-Samarqant halyqaralyq avtobandarynda da qozǵalyp kele jatsańyz, kenetten 60-80 km/saǵ shekteýler qoıylǵan. 120 km/saǵ jyldamdyqpen kele jatyp 60-qa tómendetý múmkin emes, aıyppul da úlken», dedi Sábıt Rysbaev «Túski format» baǵdarlamasyna bergen suhbatynda.
Al Ishki ister mınnıstrligi Ákimshilik polısııa komıtetiniń resmı ókili Aqtoty Boranova bul shekteýlerdiń sebepteri bar ekenin túsindirdi. Onyń aıtýynsha, jyldamdyq shekteýleri kóbine maýsymdyq jáne qaýipsizdik talaptaryna baılanysty ózgerip otyrady.
Astana – Pavlodar tasjolynda jyldamdyq rejımi ózgeredi
«Siz aıtyp jatqan joldarda qysqy mezgilge baılanysty jyldamdyq shekteledi. Jol tańbalary mindetti túrde ornatylady», dedi Boranova.