Eńbek jáne halyqty áleýmettik qorǵaý mınıstrligi málimetinshe, naýryz aıynda Elektrondyq eńbek bırjasynda 73,5 myń bos jumys orny jáne 63,5 myń túıindeme ornalastyrylǵan. Bos oryndar sany aqpan aıyna qaraǵanda 3 paıyzǵa (1,9 myń bos jumys orny), al túıindeme – 35 paıyzǵa (33,9 myń) azaıǵan, dep habarlaıdy Egemen.kz.
«Eńbek resýrstaryn damytý ortalyǵy» AQ (budan ári – ERDO) sarapshylary habarlaǵandaı, kadrlarǵa eń úlken qajettilikti bilim berý (13,9 myń), basqa da qyzmet túrleri (7,7 myń) jáne densaýlyq saqtaý (3,4 myń) sektorlarynyń kásiporyndary kórsetti.
«Bul rette suranystyń biliktilik qurylymynda naýryz aıynda ózgerister joq. Iаǵnı biliktiligi tómen eńbekke jetkilikti tómen suranys bolǵan kezde joǵary bilikti mamandarǵa suranys tendensııasy saqtaldy. Bul ornalastyrylǵan bos jumys oryndarynyń tek 20%-dan kemi bolyp otyr. Orta bilikti jumysshylarǵa suranys joǵary bolyp qalýda – olar bos jumys oryndarynyń 40% - yn qurady. Bul rette suranys pen usynys arasynda teńgerimsizdik baıqaldy – ortasha biliktiligi bar izdenýshiler ornalastyrylǵan bos jumys oryndarynyń jartysyna jýyǵy boldy, al biliktiligi tómen eńbek kórsetetin adamdar jumys berýshilerge talap etilgennen eki ese kóp boldy», dedi ERDO Strategııa jáne úlken derekter departamenti dırektorynyń orynbasary Ulpan Shegenova.
Naýryz aıynda eń kóp suranysqa ıe jumyskerlerdiń arasynda biliktiligi joqtarmen qatar júrgizýshiler (1,6 myń), tárbıeshiler (1,5 myń) jáne kúzetshiler (1,4 myń bos jumys orny) boldy. Sondaı-aq sanıtarlar (1,3 myń), medbıke/meıirger (1,2 myń) jáne býhgalterler (1,2 myń bos jumys orny) sııaqty mamandarǵa qatysty joǵary suranys áli de baıqalady.
«О́tken aıda jumys oryndary úshin básekelestik tek biliktiligi joq jumysshylarda ǵana baıqalmady. Sonymen mamandar arasynda zańgerler (izdenýshilerdiń túıindemeleriniń sany 432-ge artyq), áleýmettik qyzmetkerler (352 túıindemede) jáne dene shynyqtyrý jáne sport muǵalimderi (250 túıindemede) joǵary básekelestikke tap boldy», dep bólisti Ulpan Shegenova.