Iri salyq tóleýshilerge qatysty júrgizilip jatqan salyqtyq ákimshilendirý sheńberinde «ArselorMıttal Temirtaý» aksıonerlik qoǵamynda 2019 jylǵa korporatıvtik tabys salyǵy boıynsha avanstyq tólemder somasy tómendetilgeni anyqtaldy.
«Kameraldyq monıtorıng júrgizý kezinde naqty eseptelgen korporatıvtik tabys salyǵynyń málimdelgen avanstyq tólemder somasynan 20%-dan asyp ketýi anyqtaldy. Osyǵan baılanysty QR ÁQBtK-niń 278-babynyń 3-bóligi boıynsha 1,2 mlrd teńgeden astam aıyppul somasyna ákimshilik materıal toltyryldy», delingen Qaraǵandy oblysy boıynsha memlekettik kirister departamentiniń baspasóz qyzmeti taratqan habarlamada.
Osy jyldyń naýryz aıynda «ArselorMıttal Temirtaý» AQ apellıasııalyq shaǵymyn qaraý barysynda Qaraǵandy oblystyq soty departamenttiń dálelderin qoldady jáne ákimshilik aıyppul kúshinde qaldy.
2022 jyldyń qarasha aıynda departament qyzmetkerleri 2017 jyl úshin osyndaı buzýshylyqty anyqtaǵan edi, bıýdjetke 1,3 mlrd teńge kóleminde aıyppul tolyq kólemde óndirildi.
2017 jáne 2019 jyldary anyqtalǵan buzýshylyqtar boıynsha aıyppuldyń jalpy somasy 2,5 mlrd teńgeden asty.