Bul suraqqa Qazaqstan musylmandary Dinı basqarmasy jaýap berdi, dep habarlaıdy Egemen.kz.
Aıt – musylmandardyń uly meıramy. Islam dininde eki mereke bar. Ol Oraza aıt jáne Qurban aıt merekesi. Sharıǵat boıynsha otyz kún oraza bitkennen keıin sháýýal aıynyń birinshi kúni oraza aıt bolyp esepteledi.
Eskere ketetin jaıt, oraza aıt – bir kún. Alaıda halyq arasynda qalyptasqan ádet boıynsha úsh kúnge deıin dastarqan jaıylyp, aıttaýmen jalǵasyn tabady. Aıt namazyna deıin áleýmettik jaǵdaılary tómen otbasylarynyń da mereke kúnderi dastarqan jaıyp halyqpen birge qýanýlary úshin pitir sadaqalary taratylady. Buryn arazdasqandar tatýlasady. Al Qurban aıt 4 kúnge jalǵasady. Aıt namazy oqylǵan soń Allanyń razylyǵy úshin ulyq qulshylyq bolǵan qurban shalý rásimi jasalady. Merekelik dastarqandar jaıylyp, halyq qurbandyq etterinen dám tatady.
Oraza aıt kúni aıt namazyna deıin pitir sadaqasyn berip úlgerý kerek. Namazǵa shyǵar aldynda ǵusyl quıynyp, átirlenip, jańa kıim kıip, qurma jep, qýanysh pen shattyq kóńil-kúımen tákbir (Allahý ákbar) aıtyp meshitke barady. Aıt namazyn oqıdy. Oraza aıt kezinde musylmandar bir- birin quttyqtap, merekelik dastarqan jaıyp, týystar men dos-jarandardy qonaq etedi.