Aýyl sharýashylyǵy vıse-mınıstri Májilis depýtattaryna sýbsıdııalaýdyń jańa qaǵıdalarynyń jobasyn usyndy, dep habarlaıdy Egemen.kz AShM mınıstrliginiń baspasóz qyzmetine silteme jasap.
Vıse-mınıstr qarjy quraldary boıynsha sýbsıdııalaýdyń barlyq baǵyttary qalyp otyrǵanyn, kredıtter men lızıng boıynsha mólsherlemeler 6%-ǵa deıin tómendetilgenin, sonymen birge saqtandyrý syılyqaqylaryn sýbsıdııalaý normatıvi 50%-dan 80%-ǵa deıin ulǵaıtylǵanyn atap ótti.
Bul rette vagondardyń qunyn jáne erigen sýdy jınaý úshin jasandy sý aıdyndaryn salýdy sýbsıdııalaý joıylady. Sonymen qatar suranys bolmaǵandyqtan, akvaponıkalyq jylyjaı keshenin salý jáne keńeıtý boıynsha shyǵyndardy sýbsıdııalaý joıylady.
«IQM úshin qoldanystaǵy bordaqylaý alańdarynyń toltyrylýynyń ortasha deńgeıi shamamen 40% quraıtynyn eskere otyryp, jańa alańdardy salýǵa sýbsıdııalaýdy alyp tastaý, al qarajatty qoldanystaǵy bordaqylaý alańdaryn tehnıkalyq jáne tehnologııalyq qaıta jaraqtandyrýǵa qaıta baǵyttaý usynylady», dedi vıse-mınıstr.
Memleket basshysynyń bastapqy tuqym sharýashylyǵyn, sondaı-aq qyzylsha sharýashylyǵyn damytý jónindegi tapsyrmasyn iske asyrý úshin arnaıy tuqym sharýashylyǵyn sýbsıdııalaý normatıvteri 80%-ǵa deıin jáne qyzylsha tehnıkasy 50%-ǵa deıin arttyrylady.
Jylyjaı kókónisterin óndirýdi ulǵaıtý úshin jylyjaı keshenderin salý men keńeıtýge ótemaqy úlesi 25%-dan 30%-ǵa deıin ulǵaıady, bul maýsymaralyq kezeńde azyq-túlik qaýipsizdigin qamtamasyz etýge múmkindik beredi jáne kókónis baǵasyn turaqtandyrýǵa kómektesedi. Sondaı-aq jemis-jıdek daqyldary men júzim otyrǵyzý boıynsha ınvestısııalyq salymdardy óteý úlesin 25%-dan 40%-ǵa deıin ulǵaıtý týraly sheshim qabyldandy.
Kókónis qoımalaryn qurýǵa jáne jańǵyrtýǵa ınvestısııalardy tartý maqsatynda tońazytqysh jabdyǵy úshin 50%, jeldetý jabdyǵy úshin 40% bóle otyryp, ınvestısııalardy óteý úlesi ulǵaıtylady.
«Mal sharýashylyǵyn sýbsıdııalaý sheńberinde sybaılas jemqorlyqtyń neǵurlym kishi túrlerin joıý usynylady. Atap aıtqanda, asyl tuqymdy maldy satyp alý kezinde sýbsıdııalardy avanstyq tólemmen tóleýden bas tartý josparlanyp otyr. Tuqymdyq buqalar men qoshqarlardy jalǵa alýdy sýbsıdııalaý, tuqymdyq tegine sáıkes keletin iri qara maldyń ımporttalǵan analyq basyn satyp alý joıylady», dep atap ótti Rústem Qurmanov.
Sondaı-aq áleýmettik mańyzy bar azyq-túlik taýarlaryna jatpaıtyndyqtan kúrketaýyq eti men sýda júzetin qustardy sýbsıdııalaý toqtatylady.
О́simdik sharýashylyǵynda ózgerister qant salasyna áser etedi. Qant qyzylshasyn óndirý normatıvi tonnasyna 15 myń teńgeden 25 myń teńgege deıin artady.
Sýbsıdııalaý tıimdiligin arttyratyn jańashyldyq - 2024 jyldan bastap sýbsıdııa alýshylar úshin pılottyq rejımde qarsy mindettemelerdi engizý bolyp tabylady. Fermerler óz ónimderin ishki naryqqa naryqtyq quny boıynsha satýy kerek.
AShM málimetinshe, atalǵan sýbsıdııalaý qaǵıdalarynyń barlyq jobalary memlekettik organdarda kelisiledi jáne jaqyn arada bekitiledi.