Mańǵystaý oblysynda «О́zenmunagaz» AQ men «BerAlı Mańǵystaý Company» JShS-da urlyq faktileri boıynsha tergeý jumystary júrgizilip jatyr. Bul týraly Qarjylyq monıtorıng agenttiginiń Mańǵystaý oblysy boıynsha tergep-tekserý departamenti málimdedi, dep habarlaıdy Egemen.kz.
«О́zenmunaıgaz» AQ jáne «BerAlı Mańǵystaý Company» JShS laýazymdy tulǵalary asa iri kólemde qarajat jymqyrdy degen kúdikke ilindi.
Jańaózen qalasy turǵyndarynyń «QazMunaıGaz» AQ (О́zenmunaıgaz) júıesindegi sybaılas jemqorlyq jáne jymqyrý faktileri boıynsha ótinishterdiń negizinde Qarjy monıtorıng agenttiginiń Mańǵystaý oblysy boıynsha Ekonomıka tergep-tekserý departamenti sotqa deıingi birneshe tergeýdi bastady. Atap aıtqanda, kásiporynnyń esepshottary men ózge de resmı qujattamasynda burmalanǵan málimetterdi kórsete otyryp, jańasorǵy-kompressorlyq qubyrlardy jalǵan ornatý arqyly urlaý faktisi boıynsha «О́zenmunaıgaz» AQ laýazymdy tulǵalaryna qatysty tergeý júrgizilýde.
Sondaı-aq, «О́zenmunaıgaz» AQ laýazymdy tulǵalary men «BerAlı Mańǵystaý Company» JShS basshylyǵyna qatysty 2022 jyly munaı óndirý uńǵymalaryn jóndeý boıynsha jumystardy oryndaýǵa arnalǵan asa iri kólemdegi qarajatty jymqyrdy degen kúdik boıynsha tergeý júrip jatyr.
«BerAlı Mańǵystaý Company» JShS basshysy óziniń jaqyn týystarymen arnaıy tehnıkany jalǵa alý týraly sharttar jasaǵany anyqtaldy. Is júzinde 248 mln teńge kóleminde alynǵan qarajat qolma-qol aqshaǵa aınaldyrylyp urlanǵan.
Departament «BerAlı Mańǵystaý Company» JShS basshylyǵy memleketke ǵana emes, kompanııa qyzmetkerlerine de zııan keltirgenin atap ótti.
Urlanǵan aqsha kompanııany damytýǵa, jumysshylardyń eńbek jaǵdaılaryn jaqsartýǵa, sonyń ishinde jalaqyny kóterýge jumsalýy tıis edi. Bul jaǵdaılar kompanııanyń qarapaıym qyzmetkerleri arasynda narazylyq týdyrdy.
Tergeý barysynda atalǵan faktiler tekserilip jatyr.
Qarjy monıtorıng agenttiginiń Mańǵystaý oblysy boıynsha tergep-tekserý departamenti QPK 201-babyna sáıkes ózge aqparat jarııa etýge jatpaıtynyn aıtty.