Temirtaý qalasynyń 40 jastaǵy turǵynyn kólik qaǵyp ketti, dep habarlaıdy Egemen.kz.
Qaıǵyly oqıǵa 21 sáýir kúni 21:25 shamasynda Temirtaý qalasyndaǵy Chernyshevskıı kóshesiniń boıynda bolǵan. 40 jastaǵy er adamdy 20 jastaǵy jigit basqaryp kele jatqan «Hyundai Creta» kóligi qaǵyp ketken. Er adam jaıaý júrginshiler ótýge bolmaıtyn jerden joldy qıyp ótken.
«Oqıǵa saldarynan 40 jastaǵy jaıaý júrginshi oqıǵa ornynda mert boldy. Atalǵan derek polısııada tirkeldi. Tıisti saraptamalar taǵaıyndalyp, qorytyndysy boıynsha naqty prosessýaldyq sheshim qabyldanady. Polısııa departamenti jol qozǵalysy qatysýshylaryn jol júrý erejelerin qatań saqtaýǵa shaqyrady», delingen Qaraǵandy oblysynyń PD baspasóz qyzmeti taratqan habarlamada.